Veranu s'avvicina
Cù a so spiscina
Di rinnovi
Si scioglienu I penseri
À l'orli di l'addisperi
Ritrovi
Frizineghja a virdura
Accampata è intimurita
Allora chì nù a pianura
Pecurella incuragita
Aspetta à lana sicura
A furbiccia rughjinita
Nivone scalzu viaghja
Nant'à e cime sculurite
U cantu di a lamaghja
Aguatta tante ferite
Fruttu di fede tascaghja
È di mani incuginite
Veranu s'intasta
Cù a so catasta
Di pazzia
È voganu I filari
In l'andati dolci amari
Di puesia
Encontrou algum erro na letra? Por favor envie uma correção clicando aqui!