Guavira poty

Che mbarakámî asyete nde púva
Reikuaapaitéva che mba´é mbyasy
Aropurahéita ku ahayhuetéva
Mombyry opytáva Guavirá Poty.

Timbo jero´a tape ári oîva
Upépe vaicha osê oñembo´y
Che kambá porá ijao humíva
Ryakuâ porâiteva Guavirá Poty.

Caballero pueblo che pepo mopêva
Ikatuve yva nde hegui avevé
Mitâ tyre´yicha chembopadecéva
Ahechave´yre ku Zabala Cué.

Ko´yte ko´yte rohechaga´úva
Al meno ko´aga oikéma ro´y
Eju che cambá che mongéra irûva
Ani ne ñaña Guavirá Poty.

Anike ere mombyry aimére
Peva ja´ohoitéma ndouvéi hagüâ
Ani repená ko yvy apére
Ndaipori kuña rekoviarâ.

Che mbarakámî asyete nde púva
Emokâna chéve ko che resay
Topi chehegui mba´asy añandúva
Ahechaga´úgüi Guavirá Poty.